You purchase a reserved Los Viajes de Bowa
Praza do Rei 1 - Vigo (PONTEVEDRA) (View map) (Buscar alojamiento)
07/11/2021 12:3007/11/2021 18:00
ABONOS (só en anticipada, non poderán adquirirse no despacho de billetes do propio Auditorio):
ABONO Á CARTA 5: elixe 5 espectáculos de toda a programación combinados como queiras e goza dun 10% de desconto sobre o prezo total.
ABONO Á CARTA 10: elixe 10 espectáculos de toda a programación combinados como queiras e goza dun 25% de desconto sobre o prezo total.
Compañía: La Gata Japonesa
Xénero: novo circo
Autoría, escenografía e vestiario: Elena Vives Espejo-Saavedra
Dirección: Lucas Escobedo
Deseño de son e música: Proyecto Voltaire
Deseño de iluminación: Carlos Cremades Mendi
Elenco artístico: Elena Vives
Idioma: castelán
Idade recomendada: + 6 anos
Duración: 50 minutos
Bowa, nómade orfa de raíces e soños, un día atopou unha botella na beira do mar. No seu interior hai unha mensaxe e algo a impulsa á procura do seu destinatario. O camiño é tan rico que se converte case nunha obsesión.
Horas de agarda e quilómetros de procura para facer chegar ao seu destino centos de mensaxes que navegaron encerrados no cristal brillante dalgunha botella.
Unha mensaxe levouna xusto a ese lugar, no que agarda atoparse con alguén que lanzou unha mensaxe ao mar agardando que chegase de volta.
Esta persoa non aparecerá, pero algo especial ten ese lugar, algo familiar, algo tan estraño para ela como a calor dun fogar.
E lerá unha nova mensaxe. Esta escrita polo mar, ese vello sabio, testemuña das súas fazañas e consciente das súas ausencias. É o mar que guiou os seus pasos ata alí, é nese lugar onde as ás de Bowa atoparán terra para ancorar as súas raíces.
Este espectáculo transita por distintos estados emocionais da personaxe, que se apoian nunha linguaxe circense multidisciplinar: efectos de maxia, que xorden dunha forma accidental, reforzando a peculiaridade dese espazo. Desenvolvemento dunha investigación sobre as botellas: manipulación, equilibrios e desmitificación do obxecto, facéndoo personaxe, escenografía, ou mero elemento de apoio. Acrobacia aérea, de carga técnica, pero desenvolvido de xeito orgánico e coherente e, por suposto, humor e poesía como elementos transversais.
Normas de organización e acceso ao recinto:
1. O despacho de billetes do auditorio pechará con estrita puntualidade cinco minutos antes da hora prevista de comezo do espectáculo, momento no que ademais se pecharán as portas de acceso ao recinto. Comezado o espectáculo, ninguén poderá acceder á sala. Solicítase a máxima colaboración anticipando a hora de chegada para evitar colas a última hora que produzan o atraso do comezo do espectáculo.
2. As entradas non vendidas anticipadamente, de habelas, estarán dispoñibles no despacho de billetes desde unha hora antes do comezo previsto para o espectáculo.
3. As portas de acceso abriranse 15 minutos antes da hora prevista do comezo do espectáculo.
4. As entradas mercadas no despacho de billetes serán asignadas pola organización. En caso de querer seleccionar unha localización concreta deberán utilizar o sistema de venda anticipada. Todas as butacas ofertadas contan con boa visibilidade. A organización non garante a autenticidade das entradas non adquiridas nos puntos de venda oficiais, polo que neste caso declina toda responsabilidade.
5. TODO o público pagará entrada, independentemente da idade ou de ocupar ou non butaca. Non poderá acceder ao recinto ninguén sen entrada para poder computar a capacidade efectiva por razóns de seguridade e conforme ao Plan de autoprotección do recinto. A capacidade é única e compútase por persoas, non por butacas ocupadas.
6. Non se lle permitirá o acceso a quen presente unha entrada emendada, rota ou con indicios de falsificación. Non se admiten cambios nin devolucións.
7. A organización informa, nos programas editados para a difusión de cada programación, das idades recomendadas para determinados espectáculos, que solicitamos respecten na medida do posible de cara a garantir o seu bo desenvolvemento.
8. Ao entrar no recinto, o público, consonte á lei, pode estar suxeito a un rexistro. Non se permitirá a entrada de comida, bebida ou obxectos que poidan ser considerados perigosos polo organizador ou estean prohibidos pola normativa vixente. Resérvase o dereito de admisión.
9. Nos espectáculos programados quedan reservados todos os dereitos de imaxe e propiedade intelectual. As persoas portadoras da entrada non poderán introducir cámaras de fotografar, de vídeo ou gravadoras; tampouco poderán, nin filmar ou gravar o espectáculo sen autorización escrita da organización; en todo caso, actuarase conforme aos acordos e a lexislación vixente que corresponda.
