Unha produción de ButacaZero en coprodución co Centro Dramático Nacional e a MIT de Ribadavia.

 

Autoría: Esther F. Carrodeguas

Dirección: Xavier Castiñeira

Elenco: Mónica García, Xurxo Cortázar, Anxo Outumuro, Lidia Veiga, Jorge de Arcos e Esther F. Carrodeguas

Xénero: comedia, teatro contemporáneo

Duración: 180 min (inclúe descanso de 15´)

Público: adulto (maiores de 12 anos)

Sinopse: IRIBARNE é un tipo nado na mesmísima vila de Rouco Varela (si: o cardeal) durante a monarquía de Alfonso XIII (o primeiro promotor do cine porno en España?, si-si: ese). Emigrado a Cuba con tan só un aniño -coincidindo coa inauguración da ditadura de Primo de Rivera- tras facer as Américas durante un par de anos, o noso protagonista volve triunfante para ser o fillo do alcalde (e o da francesa!). Empeza o bacharel coa entrada da II República, case -case se fai cura durante a Guerra Civil, pero decide liscar a Madrid, seguindo o rastro doutro galego ilustre- nada máis inaugurada a Era do Devandito (si, claro: O Caudillísimo). Con tanto afán chegou a ser Ministro no seu mandato, a pesar de ter disparado dous días antes contra o cu da súa filla (pero que dis!? Si-si: dato real!). Sendo o primeiro e mellor opositor de España, quixo substituír o Caudillo cando este morreu. Non puido ser: non ía por oposición. Tivo que conformarse co cargo de vicerrei na súa querida Terra Galega.