Ven a gozar dunha experiencia teatral única. 4 compañías, 4 espectáculos, 4 disciplinas artísticas, 4 espazos.

A experiencia consistirá nun percorrido por diferentes espazos gozando de distintas pezas.

AFORO  SÚPER REDUCIDO

 

VENRES 17 E SÁBADO 18 DE MARZO, 20 HORAS

 

Idade recomendada: público adulto

Duración: 80 minutos

Prezo: 8 €

LOGO XUNTA

 

ESPAZO 1: ESCENARIO

Compañía: Cinema Sticado

Espectáculo: Murmurios cuánticos

Xénero: teatro contemporáneo

Autoría, dirección e escenografía: Helena Varela

Deseño de son e música: Xosel Díez

Deseño de iluminación: Nora Pinheiro

Vestiario: Atenea García

Coreografía: Helen Bertels

Intérprete: Helena Varela

Idioma: galego

 

Aproveitar o corpo para mudar a voz, para mudar a pel. Crebar a palabra. Mmmmmm son. Gozar. A microcospía da palabra como goce para construír o verdadeiro. O primeiro murmurio.

 

ESPAZO 2: CAMERÍN

Compañía: ALOPRO

Espectáculo: Non obstante, life is a cabaret, as you know

Xénero: teatro / cabaret / comedia

Autoría: Afonso Becerra e Alberte Bello

Dirección e dramaturxia: Afonso Becerra de Becerreá

Escenografía, iluminación e son: Alberte Bello

Vestiario: Alberte Bello e Miguel Delgado

Intérprete: Alberte Bello

Idioma: galego

 

Non é por frivolizar, ou si, pero tanta crise e tanto drama e tanto personaxe por aí solto xa me teñen até o curuto!

Así que un pouco de cabaré marica non nos vai vir mal.

Transformismo, travestismo, algún número musical, ironía, algunha confesión e moita pluma autóctona, nada de pavo real, pluma de pita do monte.

 

ESPAZO 3: VESTÍBULO

Compañía: Elahood

Espectáculo: Intempestiva

Xénero: danza contemporánea

Dirección: Sabela Domínguez e Julia Laport

Dramaturxia: Gena Baamonde

Deseño de son e música: LLXNTO e Bruno Baw

Intérpretes: Sabela Domínguez e Julia Laport

 

Serse Intempestiva

Os corpos de Elahood entran nun xogo de identidades coa figura e obra de Xela Arias. Xénero, identidade galega, raíces e precariedade entrelázanse para cuestionar que é facer algo de proveito.

 

Primeiro Premio e Premio da Crítica no certame coreográfico de Madrid 2021. 

Premio ao Mellor Espectáculo na Plataforma de Diálogos Contemporáneos do Festival DZM (Cáceres, 2021).

 

ESPAZO 4: LA PETITE CARAVANE

Compañía: Mónica Sueiro

Espectáculo: Histriónica! (en quince minutos)

Xénero: Teatro- comedia

Autoría, dirección, escenografía e vestiario: Mónica Sueiro

Deseño de iluminación: Naila Rodsuá

Música e letra de “Estou ata a cona”: Sergio Llauger

Intérprete: Mónica Sueiro

Idioma: galego

 

Histríonica! (en quince minutos) é unha comedia excéntrica e metateatral. No principio  foi a actriz e no seu desenvolvemento só quedou a actriz. A escusa é o desexo de actuar, de xogarse o tipo ante o público cunha peza da que a protagonista, “a actriz”, sabe tanto como o público presente. Só ten quince minutos, e poden ser unha eternidade. Así que non lle queda outra que saír do establecido, rir do seu fracaso mentres camiña no desequilibrio entre a necesidade de estar no mundo actoral e o riso, esa vía de escape tan necesaria.